Lu Xun

Dr Lu Xun (chin. 魯迅 / 鲁迅, Lǔ Xùn, äigentlig chin. 周樹人, Zhōu Shùrén; * 25. September 1881 z Shaoxing; † 19. Oktober 1936 z Shanghai) isch e chinesische Schriftsteller und Intellektuelle gsi. Er het bi dr Beweegig vom vierte Mäi mitgmacht, wo vo dr Beida (Peking-Universidäät) usgange isch. Mit andere Intellektuelle het er d Baihua-Beweegig understützt, won e Reformbeweegig für literarischs Schanr und Stil gsi isch. Wäärend er in dr Volksrepublik China as Begründer vo dr modärne chinesische Litratuur gältet, si z Taiwan sini Wärk joorzääntelang verbote gsi, bis s Chriegsrächt am Ändi vo de 1980er Joor ufghoobe worde isch.^[1]

1. ↑ Leo Ou-fan Lee: Lu Xun and His Legacy. University of California Press, 1985, S. XII; Fran Martin: Situating Sexualities. Queer Representation in Taiwanese Fiction, Film and Public Culture. Hong Kong University Press, 2003, S. 65; David Der-wei Wang, Carlos Rojas (Hg.): Writing Taiwan. A New Literary History. Duke University Press, 2007, S. 215.